Monday, October 29, 2018
බහුතරය හිතුවටත් වඩා වැඩි වෙයි. අලුත් ආණ්ඩුවේ දිවුරුම් දුන් නව ඇමති මණ්ඩලය මෙන්න. (පින්තූර)
අනිත් අයටත් කියවීමට Share කරන්න.
Monday, December 25, 2017
"ඒකාබද්ධ පොදුජන පෙරමුණේ" ප්‍රචාරක කටයුතු සිදුකරන ඔබට mahinda.info වෙතින් වැදගත් තොරතුරක්.
ඡන්ද ලකුණ ඇහැට හුරු කරමු - "ඒකාබද්ධ පොදුජන පෙරමුණේ" ප්‍රචාරක කටයුතු සිදුකරන ඔබට mahinda.info වෙතින් වැදගත් තොරතුරක්.
[1]. සමහර පාක්ෂිකයන්ගේ ඡන්ද වැරදි පක්ෂ වලට ලැබීමට සැලකිය යුතු හේතුවක් තමයි සමහරුන්ට ලකුණ අමතක වීම. ගම්වල නෙවෙයි නගරවල පවා ඉන්න තමන්ගේ ජාතික හැඳුනුම් පත් අංකයවත් මතක තියාගන්න වෙලාවක් නැති ජීවන අරගලයක නියැලෙන අහිංසක මිනිස්සුන්ට හරියට තමන් ඡන්දය ප්‍රකාශ කළ යුතු ලකුණ හඳුන්වා දීමත් එය දුටු පමණින් අනිකුත් සලකුණුවලින් පැහැදිලිව වෙන් කර හඳුනා ගන්නටත් හුරු කරවීම කළ යුතු වෙනවා.
[2]. ඔය අපි මේ සයිබරේ දකින ලස්සන පාට පාට සලකුණු ඡන්දේ දවසට නැහැ. ලස්සන නෙලුම් මලක් නෙමෙයි එන්නේ. නෙලුම් මල යටින් පාට ඉරි නෑ. එදාට අතට ලැබෙන්නේ බොහෝම කුඩාවට වගේම, කළු පාටින් පමණක් සටහන් වුණ ඡන්ද ලකුණූ ගොඩක් සහිත පත්‍රිකාවක්.
[3]. ඒ හින්දා කට්ටියට ඕවා අමුතුවෙන් කියන්න ඕන නැතිය කියලා හිතන්නේ නැතිව ආදර්ශ ඡන්දපත්‍රිකා සකස් කරගෙන එය පෙන්වා දෙමින් ඡන්දය ප්‍රකාශ කළ යුතු ආකාරය ගෙයින් ගෙට ගොස් පැහැදිලි කරදීම ඒ ඒ ඡන්ද අපේක්ෂකයින් සතු බරපතලම රාජකාරියක් වෙනවා.
[4]. ෆේස්බුක් නොබලන ප්‍රවෘත්ති අහන්නේ නැති සුළු පිරිසකුත් රටේ ඉන්නවා. ඒ අයට මතක ඇතිව පවසන්න මහින්ද රාජපක්ෂ මැතිතුමාගේ ලකුණ බුලත් කොළය නොව පොහොට්‍ටුව බව. විශේෂයෙන්ම සලකුණූ මගඩියක් සඳහා අත ලකුණ උණ්ඩි කරවලා පොහොට්ටුවට සමාන කරන්න හදන මේ වගේ කාලෙක මේ දෙකේ වෙනස දෙපාරක් බලලා තහවුරු කරගෙනම ඡන්දය පාවිච්චි කරවීමට තම ඡන්ද දායකයින්ට සිහි කැඳවීම කළ යුතුමයි.
[5]. ඒ නිසා අපි පුළුවන් තරම් ෆේස්බුක් එකේ සැරි සරණ පෝස්ට් වලට වර්ණවත් විසිතුරු සලකුණු වෙනුවට ඡන්ද පත්‍රිකාවේ සඳහන් වෙන ආකාරයට මේ විදිහට පොහොට්‍ටුව ලකුණ යොදා ගමු. මේ සමග ඇති පින්තූරයේ ආකාරයට ඒකාබද්ධ පොදුජන පෙරමුණේ ලකුණ ඔබගේ ප්‍රචාරක පින්තූර වලට යොදන්න. ඒ වගේම කතිරයෙන් පෙන්වන්නේ කතිරය ගහන විදිහ, කො‍ටුව ඇතුලෙයි ගහන්න ඕනැ. කො‍ටුව කැපෙන්න බෑ.
[6]. ඒ වගේම ශ්‍රී ලංකා පොදුජන පෙරමුණ පෙනී සිටින්නේ විමල් දිනේෂ් ගම්මන්පිල ආදීන්ගේ පක්ෂ සහිත පුළුල් සංධානයකින්. ඒ නිසා පොහොට්‍ටුව අදාළ ඡන්ද කොළයේ ඇති පක්ෂය සඳහන් වන්නේ "ඒකාබද්ධ පොදුජන පෙරමුණ" ලෙසටයි. එනිසා සෑම විටම "ඒකාබද්ධ පොදුජන පෙරමුණ" නැමති නම භාවිතා කරන්න.
මේ පින්තූරය සහ විස්තරය හැකි තරම් Share කර දැනුවත් කරන්න. ඔබගේ පේජ් වලස් සහ ගෲප් වලත් මෙය නැවත පළ කරමින් බෙදා හරින්න.
අනිත් අයටත් කියවීමට Share කරන්න.
Sunday, December 24, 2017
ශ්‍රැංගිල්ලා හෝටලය සහ හමුදා මූලස්ථානය ගැන මෛත්‍රීපාලගේ චෝදනාවට පිළිතුරු මෙන්න.
ජනාධිපති සිරිසේන මහතා පසුගියදා කැබිනට් මන්ඩලයේ කියා ඇති පරිදි ශැංග්‍රිල්ලා හෝටලයට ඉඩ දීම සඳහා හමුදා මුලාස්ථානයෙන් ඉවතට ගෙන ගිය විවිධ පරිපාලන අංශ වෙනුවෙන් වාර්ෂික කුලිය රුපියල් කොටි 500 ක් නම් එම නාස්තියට සම්පූර්ණයෙන්ම වගකිව යුත්තේ වත්මන් හවුල ආන්ඩුව බව ආචාර්ය නාලක ගොඩහේවා පෙන්වාදෙයි.
ඔහු එය පැහැදිලි කලේ ‘දේශප්‍රේමී වෘතිකයින්ගේ සංසදය’ විසින් විශ්ව විද්‍යාල සිසුන් පිරිසක් සඳහා කොලඹදී සංවිධානය කර තිබූ වැඩමුලුවක් අමතමිනි.
පසුගියද ජනාධිපතිවරයා ශැංග්‍රිල්ලා හෝටලයට හමුදා මූලස්ථානයේ ඉඩම ලබා දීම ගැන පසුගිය රජයට ඇඟිල්ල දික්කරමින් චෝදනා කිහිපයක් කලායැයි කැබිනට ප්‍රකාශක මහින්ද සමරසිංහ ඇමතිවරයා කියා තිබුනා.
අපි බලමු මොනවාද මේ චෝදනා කියා
1. ඔහු කියනවා පසුගිය රජය හමුදා මූලස්ථානය අලුත් ස්ථානයකට ගෙන යාමට තීරණය කිරීම ආරක්ෂාවට තර්ජනයක් කියා
2. ඔහු කියනවා පසුගිය ශැංග්‍රිල්ලා හෝටලයට ඉඩදීමේ රජයේ වැරදි තීරණය නිසා හමුදාවේ විවිධ අංශ ස්ථාන 15ක පමන රඳවා තබාගැනීමට වාර්ෂික කුලිය කෝටි 500 ක් පමන වෙනවා කියා.
3. ඔහු චෝදනා කරනවා ශැංග්‍රිල්ලා ඉඩම වසර 99ට බදු නොදී සින්නක්කර වික්ක එක රටට අවාසියක් කියා.
4. ඔහු තවදුරටත් කියනවා පොර්ට් සිටි ඉඩමත සින්නක්කර දෙන්න තිබී වත්මන් රජය ව්‍යාපෘතිය ටික කලකට නවතා එම ගිවිසුම 99 අවුරුදු බද්දකට වෙනස් කලා කියලා.
දැන් අපිට පුලවන් එකින් එක ගෙන ඒවා මොන තරම් සාවධ්‍ය චෝදනාද කියා ජනතාවට පහදාදෙන්න.
1. ඇමෙරිකාවේ පෙන්ටගනය මෙන් ත්‍රිවිධ හමුදා මූලස්ථානයක් එක් ස්ථානයක පිහිටවීමේ සැලැස්ම මුලින්ම සකස්කරනු ලැබුවෙ පසුගිය රජය විසින් නොවේ ඊට රජයන් ගනනාවකට පෙරය.
සැලසුම් වලට පමනක් සීමා වී තිබූ තවත් බොහෝ ව්‍යාපෘතීන් මෙන් මෙයද ක්‍රියාවට නැංවීම ආරම්බ වූයේ මහින්ද රාජපක්ෂ යුගයේදීය. කාලාන්තරයක් තිස්සේ රටේ මෙවැනි සැලසුමක් සකස් කර තිබුනේ ආරක්ෂක කටයුතු පිලිබඳ විශේසඥයින් විසින් කරන ලද අධ්‍යයනයන්හි ප්‍රතිපලයක් ලෙසයි. මේ සඳහා බත්තරමුල්ලේ අකුරෙගොඩ ඉඩම වෙන්කලේ 2005ට පෙරයි. ත්‍රිවිධ හමුදා මූලස්ථානය එහි සාදන්නට තීරණය කලේ ශැංග්‍රිල්ලා හෝටලට ඉඩ ලබාදීම සඳහායැයි පෙන්වන්නට බොලඳ උත්සාහයක යෙදෙන එක ජනාධිපතිවරයෙකුට සුදුසු නැහැ. ත්‍රිවිධ හමුදා මූලස්ථානය එක් තැනක පිහිටවීම ආරක්ෂාවට තර්ජනයක් කියා මෙතෙක් කිසිම ආරක්ෂක විශේසඥයෙක් කියා නැහැ.
2. පසුගිය රජය සෑම ව්‍යාපෘතියක්ම කලේ මනා සැලස්මකට අනුවයි. වැඩ බැරි වත්මන් ආන්ඩුවත් සමඟ ඔවුන්ව සංසන්දනය නොකල යුතුයි. පසුගිය රජයේ සැලස්ම තිබුනේ 2015 අග වන විට ත්‍රිවිධ හමුදා මූලස්ථානයේ මූලික වැඩ අවසන් කරන්නට හා කොටස් වශයෙන් විවිධ හමුදා අංශ ගාලු මුවදොර සිට බත්තරමුල්ලට ගෙනියන්නටයි. ඒ අනුව කොටස් වශයෙන් ශැංග්‍රිල්ලා හෝටලයට ගාලු මුවදොර ඉඩම ලබාදීමට සැලසුම් කර තිබුනා. මෙ සැලසුම යටතේ විවිධ හමුදා දෙපාර්තමේන්තු ස්ථානගත කරන්නට කුලියට ගොඩනැගී ගන්නට වන්නේ නැහැ.
හමුදා මුලස්ථානය සාදා නිමකරන්නට අවශ්‍ය මුදල් ශැංග්‍රිල්ලා සමාගමෙන් ලබාගෙන රුපියල් බිලියන් 18 ක් ලංකා බැංකුවේ ආරක්ෂක අමාත්‍යාංශයට අයත් ගිනුමක දමා තිබුනා. නමුත් වත්මන රජය බලයට ආ ගමන් මොකද්ද කලේ. ඒ බිලියන 18 ගෝඨාබය රාජපක්ෂගේ ගිනුමක දමා තිබෙනවා කියා බොරුවක් සමාජ ගත කලා. ඉන් පසු ඒ මුදල ආරක්ෂක අමාත්‍යාංශ ගිනුමෙන් මහා භාන්ඩාගාරයට මාරු කලා. වසරක් ඇතුලත රජයේ අධික වියදම් නිසා මේ මුදල ආගිය අතක් නැතුව ගියා. ත්‍රිවිධ හමුදා මූලස්ථානයේ ඉදිකිරීම් වැඩ මුදල් නැතුව අඩාල උනා. සැලසුමට අනුව ශැංග්‍රිල්ලා හොටයට ඉඩම් නිදහස් කිරීම සඳහා විවිධ හමුදා පරිපාලන අංශ කුලී ගොඩනැගිලි වලට ගෙනියන්නට සිදුවුනා. අපි දන්නවා කෘෂිකර්ම අමාත්‍යාංශයේ සබීතාගේ ගොඩැගිල්ලේ හොර ගනුදෙනුව අනුව මේ ආන්ඩුව කුලී ගොඩනැගිලිවලින් මොනතරම් වංචා කරනවාද කියා. ඉතින් 2015 අවසන් වෙන්නට තිබු ව්‍යාපෘතිය වසර 3කට පසුවත් අවසන් කරගන්නට බැරුව දඟලන වත්මන් රජය් නොවේද මේ නාස්තියට සම්පූර්ණයෙන්ම වගකිව යුත්තේ ?
3.ෂැංග්‍රිල්ලා හෝටලය යුද්ධයෙන් පසු ලංකාවට මුලින්ම ආ විශාල පරිමානයේ අයෝජනයයි. ලෝකයේ ඉතා ප්‍රසිද්ධ සමාගමක් වන ෂැංග්‍රිල්ලා ව්‍යාපාරයේ සභාපතිවරයා 2011 දී ලංකාවට ආවා. ලංකාවේ දින කිහිපයක් ගත කල ඔහු රජයේ ප්‍රධානීන් හමුවී ඉඩමක් මිලදී ගැනීමට කැමැත්ත පල කලා. ෂැංග්‍රිල්ලා හෝටලය වැනි සුප්‍රකට වෙළඳ නාමයක් ලංකාවේ සංචාරක ව්‍යාපාරයේ දියුනුවට විශාල රුකුලක් වන නිසා මේ සම්බන්දව රජයේ ඒ වෙලාවේ තිබුනේ ඉතා විශාල උනන්දුවක්. මහා භාන්ඩාගාරයේ මැදිහත්වීමෙන් රජයට අයත් ඉඩම් රැසක් ඔහුට පෙන්වන ලැබුවා. අවසානයේ මෙම ව්‍යාපාරිකයා තෝරා ගත්තේ ආරක්ශක අමාත්‍යාංශය පිටා තිබූ ගාලු මුවදොර ඉඩමයි. මෙම ඉඩමින් ආරක්ෂක අමාත්‍යාංශය ඉවත් කොට එය බත්තරමුල්ලට ගෙන යන්නට සැලස්මක් චන්ද්‍රිකා බන්ඩාරණායක ආන්ඩුව කාලයේ පටන් තිබුනද එය ක්‍රියාත්මක් නොවී තිබුනේ එයට අවශ්‍ය විශාල මුල්‍ය සම්පාදන වෙන් කිරීමේ අපහසුව නිසායි.අවස්ථාවෙන් ප්‍රයෝජන ගත් මහා භාන්ඩාගාරය අක්කර 10ක ඉඩම සඳහා ඩොලර් මිලියන 125ක් ගෙවන්නට කැමතිදැය් ෂැන්ග්‍රිල්ලා සභාපතිවරයාගෙන් ඇසුවිට ඔහු එයට එකඟ වුනා. අක්කර 10 ඉඩම ඩොලර් මිලියන 125 කට පමන අධික මිලකට තක්සේරුවූයේ ඒ විදියටයි.
මීට අමතරව අපි අමතක කරන්න හොඳ නහැ ශැංග්‍රිල්ල නිසා ලංකාවට ඩොලර් මිලියන 800 ක පමන ආයෝජනයක් හා රැකිය අවස්ථා 1000 කට වඩා ලැබුන බව. නිදහසින් පසු ලංකාවේ ආයෝජනය කල බොහෝ විශාල පරිමාණයේ ආයෝජකයින්ට රජයේ ඉඩම් 99 අවුරුදු බද්දට ලබා දෙන ලද්දේ නොමිලේ දෙනවා හා සමාන කුඩා බදු වාරික වලටයි. මෙය තේරුම් ගැනීමට මෑත කාලීන උදාහරණයක්ම අරන් බලමු. හම්බන්තොට වරායට අවුරුදු 99 කට බදු ගිවිසුමක් අත්සන් කරනවිට රනිල් අක්කර 3000 ක ඉඩම් චීන සමාගමට දෙන්නේ නොමිලේ.එදා ජේ ආර් ජයවර්ධන ගාලු මුවදොරම විශාල ඉඩමක් ටාජ් හෝටලයට දුන්නේ නොමිලේ. ප්‍රේමදාස ජනාධිපතිතුමා කොටුවේ’වර්ල්ඩ් ට්‍රේඩ් සෙන්ටර්’ ගොඩනැගිල්ලට ඉඩම දුන්නේ නොමිලේ.
එවැනි තත්වයක් යටතේ ෂැංග්‍රිල්ලා හෝටලයෙන් අක්කරයකට ඇමෙරිකානු ඩොලර් මිලියන් 125 ක් එහෙමත් නැත්ම රුපියල් වලින් නම් කෝටි 1800 ක් පමන මුදලක් ලබා ගැනිමට හැකිවීම මොනතරම් රටට වාසියක්ද ? හදල ඉවරවූ වරායක් අක්කර 3000 ක ඉඩම් එක්ක ඩොලර් මිලියන 1200 කට දුන්න ජනාධිපතිවරයෙකුට පුලුවන්ද ශැංග්‍රිල්ල ගනුදෙනුවට ඇඟිල්ල දික්කරන්න ? අනික මතක තබාගන්න මෙම ඉඩමෙන් වැඩි කොටසක් භාවිත වන්නේ තට්ටු නිවාස සංකීර්ණයක් ගොඩනැගීමටයි. රටේ නීතිය අනුව තට්ටු නිවාස සංකීර්ණයක ඇති නිවාස මිලදී ගන්නා අයෙකුට ලැබෙන්නේ සින්නක්කර ඔප්පුවක්. ගොඩනැගිලේ ඉදිකිරීම්කරුට තිබෙන්නේ සින්නක්කර ඔප්පුවක්ද දිගු කාලීන බදු ඔප්පුවක්ද යන්න අදාල නහැ. තට්ටු නිවාස සංකීර්ණයක් ඇති ඉඩමක් මේ අනුව යලි කිසි දිනක රජයට ආපසු ගන්න බැහැ. ඉතින් තුට්ටු දෙකට බදු දෙන්නෙ නැතිව ඒ ඉඩමට රුපියල් කෝටි 1800ක් ගත්ත එකේ වරද කුමක්ද ?
4. පොර්ට් සිටි කතාවත් මේ වගේමයි. පොර්ට් සිටිය හදන්නේ රටේ තියෙන ඉඩමක නොවෙයි මුහුද ගොඩකරලයි. ඒ මුහුද ගොඩකරන්න යන වියදමට හිලව් වෙන්න තමයි ගොඩ කරන ඉඩම් වලින් යම් ප්‍රමානයක් චීනයට දෙන්නට සාකච්ඡා වී තිබුනේ. මේ කොන්දේසි වෙනස් කරන්න ගිහින් මොකද්ද උනේ. රටෙ ජනතාව රැවටීමට ගිවිසුම අවුරුදු 99 කරල චීනයට රුපියල් බිලියන් 26ක් එහෙමත් නැත්නම් කෝටි 2600ක වන්දියක් ගෙවන්න සිදුවුනා වැඩ නවත්තලා කරපු පාඩුවට.
පොර්ට් සිටිය තුල චීන සමාගම විසින් විවිද ව්‍යාපාර වලට ඉඩම් විකුනන විට ඒව විකුනන්නේ සින්නකර ඔප්පු වලට . ඉතින් මොකද්ද ඇති වැඩේ කෝටි 2600 නාස්තිකරල ගිවිසුම 99 අවුරුදු බද්දකට වෙනස් කලා කියල. කවදාවත් ඒ චීන සමාගම විසින් විකුණන ඉඩමක් රජයට ආපසු ගන්න පුලුවන්ද ?
– චාමින්ද කරුණාරත්න
ඔහු එය පැහැදිලි කලේ ‘දේශප්‍රේමී වෘතිකයින්ගේ සංසදය’ විසින් විශ්ව විද්‍යාල සිසුන් පිරිසක් සඳහා කොලඹදී සංවිධානය කර තිබූ වැඩමුලුවක් අමතමිනි.
පසුගියද ජනාධිපතිවරයා ශැංග්‍රිල්ලා හෝටලයට හමුදා මූලස්ථානයේ ඉඩම ලබා දීම ගැන පසුගිය රජයට ඇඟිල්ල දික්කරමින් චෝදනා කිහිපයක් කලායැයි කැබිනට ප්‍රකාශක මහින්ද සමරසිංහ ඇමතිවරයා කියා තිබුනා.
අපි බලමු මොනවාද මේ චෝදනා කියා
1. ඔහු කියනවා පසුගිය රජය හමුදා මූලස්ථානය අලුත් ස්ථානයකට ගෙන යාමට තීරණය කිරීම ආරක්ෂාවට තර්ජනයක් කියා
2. ඔහු කියනවා පසුගිය ශැංග්‍රිල්ලා හෝටලයට ඉඩදීමේ රජයේ වැරදි තීරණය නිසා හමුදාවේ විවිධ අංශ ස්ථාන 15ක පමන රඳවා තබාගැනීමට වාර්ෂික කුලිය කෝටි 500 ක් පමන වෙනවා කියා.
3. ඔහු චෝදනා කරනවා ශැංග්‍රිල්ලා ඉඩම වසර 99ට බදු නොදී සින්නක්කර වික්ක එක රටට අවාසියක් කියා.
4. ඔහු තවදුරටත් කියනවා පොර්ට් සිටි ඉඩමත සින්නක්කර දෙන්න තිබී වත්මන් රජය ව්‍යාපෘතිය ටික කලකට නවතා එම ගිවිසුම 99 අවුරුදු බද්දකට වෙනස් කලා කියලා.
දැන් අපිට පුලවන් එකින් එක ගෙන ඒවා මොන තරම් සාවධ්‍ය චෝදනාද කියා ජනතාවට පහදාදෙන්න.
1. ඇමෙරිකාවේ පෙන්ටගනය මෙන් ත්‍රිවිධ හමුදා මූලස්ථානයක් එක් ස්ථානයක පිහිටවීමේ සැලැස්ම මුලින්ම සකස්කරනු ලැබුවෙ පසුගිය රජය විසින් නොවේ ඊට රජයන් ගනනාවකට පෙරය.
සැලසුම් වලට පමනක් සීමා වී තිබූ තවත් බොහෝ ව්‍යාපෘතීන් මෙන් මෙයද ක්‍රියාවට නැංවීම ආරම්බ වූයේ මහින්ද රාජපක්ෂ යුගයේදීය. කාලාන්තරයක් තිස්සේ රටේ මෙවැනි සැලසුමක් සකස් කර තිබුනේ ආරක්ෂක කටයුතු පිලිබඳ විශේසඥයින් විසින් කරන ලද අධ්‍යයනයන්හි ප්‍රතිපලයක් ලෙසයි. මේ සඳහා බත්තරමුල්ලේ අකුරෙගොඩ ඉඩම වෙන්කලේ 2005ට පෙරයි. ත්‍රිවිධ හමුදා මූලස්ථානය එහි සාදන්නට තීරණය කලේ ශැංග්‍රිල්ලා හෝටලට ඉඩ ලබාදීම සඳහායැයි පෙන්වන්නට බොලඳ උත්සාහයක යෙදෙන එක ජනාධිපතිවරයෙකුට සුදුසු නැහැ. ත්‍රිවිධ හමුදා මූලස්ථානය එක් තැනක පිහිටවීම ආරක්ෂාවට තර්ජනයක් කියා මෙතෙක් කිසිම ආරක්ෂක විශේසඥයෙක් කියා නැහැ.
2. පසුගිය රජය සෑම ව්‍යාපෘතියක්ම කලේ මනා සැලස්මකට අනුවයි. වැඩ බැරි වත්මන් ආන්ඩුවත් සමඟ ඔවුන්ව සංසන්දනය නොකල යුතුයි. පසුගිය රජයේ සැලස්ම තිබුනේ 2015 අග වන විට ත්‍රිවිධ හමුදා මූලස්ථානයේ මූලික වැඩ අවසන් කරන්නට හා කොටස් වශයෙන් විවිධ හමුදා අංශ ගාලු මුවදොර සිට බත්තරමුල්ලට ගෙනියන්නටයි. ඒ අනුව කොටස් වශයෙන් ශැංග්‍රිල්ලා හෝටලයට ගාලු මුවදොර ඉඩම ලබාදීමට සැලසුම් කර තිබුනා. මෙ සැලසුම යටතේ විවිධ හමුදා දෙපාර්තමේන්තු ස්ථානගත කරන්නට කුලියට ගොඩනැගී ගන්නට වන්නේ නැහැ.
හමුදා මුලස්ථානය සාදා නිමකරන්නට අවශ්‍ය මුදල් ශැංග්‍රිල්ලා සමාගමෙන් ලබාගෙන රුපියල් බිලියන් 18 ක් ලංකා බැංකුවේ ආරක්ෂක අමාත්‍යාංශයට අයත් ගිනුමක දමා තිබුනා. නමුත් වත්මන රජය බලයට ආ ගමන් මොකද්ද කලේ. ඒ බිලියන 18 ගෝඨාබය රාජපක්ෂගේ ගිනුමක දමා තිබෙනවා කියා බොරුවක් සමාජ ගත කලා. ඉන් පසු ඒ මුදල ආරක්ෂක අමාත්‍යාංශ ගිනුමෙන් මහා භාන්ඩාගාරයට මාරු කලා. වසරක් ඇතුලත රජයේ අධික වියදම් නිසා මේ මුදල ආගිය අතක් නැතුව ගියා. ත්‍රිවිධ හමුදා මූලස්ථානයේ ඉදිකිරීම් වැඩ මුදල් නැතුව අඩාල උනා. සැලසුමට අනුව ශැංග්‍රිල්ලා හොටයට ඉඩම් නිදහස් කිරීම සඳහා විවිධ හමුදා පරිපාලන අංශ කුලී ගොඩනැගිලි වලට ගෙනියන්නට සිදුවුනා. අපි දන්නවා කෘෂිකර්ම අමාත්‍යාංශයේ සබීතාගේ ගොඩැගිල්ලේ හොර ගනුදෙනුව අනුව මේ ආන්ඩුව කුලී ගොඩනැගිලිවලින් මොනතරම් වංචා කරනවාද කියා. ඉතින් 2015 අවසන් වෙන්නට තිබු ව්‍යාපෘතිය වසර 3කට පසුවත් අවසන් කරගන්නට බැරුව දඟලන වත්මන් රජය් නොවේද මේ නාස්තියට සම්පූර්ණයෙන්ම වගකිව යුත්තේ ?
3.ෂැංග්‍රිල්ලා හෝටලය යුද්ධයෙන් පසු ලංකාවට මුලින්ම ආ විශාල පරිමානයේ අයෝජනයයි. ලෝකයේ ඉතා ප්‍රසිද්ධ සමාගමක් වන ෂැංග්‍රිල්ලා ව්‍යාපාරයේ සභාපතිවරයා 2011 දී ලංකාවට ආවා. ලංකාවේ දින කිහිපයක් ගත කල ඔහු රජයේ ප්‍රධානීන් හමුවී ඉඩමක් මිලදී ගැනීමට කැමැත්ත පල කලා. ෂැංග්‍රිල්ලා හෝටලය වැනි සුප්‍රකට වෙළඳ නාමයක් ලංකාවේ සංචාරක ව්‍යාපාරයේ දියුනුවට විශාල රුකුලක් වන නිසා මේ සම්බන්දව රජයේ ඒ වෙලාවේ තිබුනේ ඉතා විශාල උනන්දුවක්. මහා භාන්ඩාගාරයේ මැදිහත්වීමෙන් රජයට අයත් ඉඩම් රැසක් ඔහුට පෙන්වන ලැබුවා. අවසානයේ මෙම ව්‍යාපාරිකයා තෝරා ගත්තේ ආරක්ශක අමාත්‍යාංශය පිටා තිබූ ගාලු මුවදොර ඉඩමයි. මෙම ඉඩමින් ආරක්ෂක අමාත්‍යාංශය ඉවත් කොට එය බත්තරමුල්ලට ගෙන යන්නට සැලස්මක් චන්ද්‍රිකා බන්ඩාරණායක ආන්ඩුව කාලයේ පටන් තිබුනද එය ක්‍රියාත්මක් නොවී තිබුනේ එයට අවශ්‍ය විශාල මුල්‍ය සම්පාදන වෙන් කිරීමේ අපහසුව නිසායි.අවස්ථාවෙන් ප්‍රයෝජන ගත් මහා භාන්ඩාගාරය අක්කර 10ක ඉඩම සඳහා ඩොලර් මිලියන 125ක් ගෙවන්නට කැමතිදැය් ෂැන්ග්‍රිල්ලා සභාපතිවරයාගෙන් ඇසුවිට ඔහු එයට එකඟ වුනා. අක්කර 10 ඉඩම ඩොලර් මිලියන 125 කට පමන අධික මිලකට තක්සේරුවූයේ ඒ විදියටයි.
මීට අමතරව අපි අමතක කරන්න හොඳ නහැ ශැංග්‍රිල්ල නිසා ලංකාවට ඩොලර් මිලියන 800 ක පමන ආයෝජනයක් හා රැකිය අවස්ථා 1000 කට වඩා ලැබුන බව. නිදහසින් පසු ලංකාවේ ආයෝජනය කල බොහෝ විශාල පරිමාණයේ ආයෝජකයින්ට රජයේ ඉඩම් 99 අවුරුදු බද්දට ලබා දෙන ලද්දේ නොමිලේ දෙනවා හා සමාන කුඩා බදු වාරික වලටයි. මෙය තේරුම් ගැනීමට මෑත කාලීන උදාහරණයක්ම අරන් බලමු. හම්බන්තොට වරායට අවුරුදු 99 කට බදු ගිවිසුමක් අත්සන් කරනවිට රනිල් අක්කර 3000 ක ඉඩම් චීන සමාගමට දෙන්නේ නොමිලේ.එදා ජේ ආර් ජයවර්ධන ගාලු මුවදොරම විශාල ඉඩමක් ටාජ් හෝටලයට දුන්නේ නොමිලේ. ප්‍රේමදාස ජනාධිපතිතුමා කොටුවේ’වර්ල්ඩ් ට්‍රේඩ් සෙන්ටර්’ ගොඩනැගිල්ලට ඉඩම දුන්නේ නොමිලේ.
එවැනි තත්වයක් යටතේ ෂැංග්‍රිල්ලා හෝටලයෙන් අක්කරයකට ඇමෙරිකානු ඩොලර් මිලියන් 125 ක් එහෙමත් නැත්ම රුපියල් වලින් නම් කෝටි 1800 ක් පමන මුදලක් ලබා ගැනිමට හැකිවීම මොනතරම් රටට වාසියක්ද ? හදල ඉවරවූ වරායක් අක්කර 3000 ක ඉඩම් එක්ක ඩොලර් මිලියන 1200 කට දුන්න ජනාධිපතිවරයෙකුට පුලුවන්ද ශැංග්‍රිල්ල ගනුදෙනුවට ඇඟිල්ල දික්කරන්න ? අනික මතක තබාගන්න මෙම ඉඩමෙන් වැඩි කොටසක් භාවිත වන්නේ තට්ටු නිවාස සංකීර්ණයක් ගොඩනැගීමටයි. රටේ නීතිය අනුව තට්ටු නිවාස සංකීර්ණයක ඇති නිවාස මිලදී ගන්නා අයෙකුට ලැබෙන්නේ සින්නක්කර ඔප්පුවක්. ගොඩනැගිලේ ඉදිකිරීම්කරුට තිබෙන්නේ සින්නක්කර ඔප්පුවක්ද දිගු කාලීන බදු ඔප්පුවක්ද යන්න අදාල නහැ. තට්ටු නිවාස සංකීර්ණයක් ඇති ඉඩමක් මේ අනුව යලි කිසි දිනක රජයට ආපසු ගන්න බැහැ. ඉතින් තුට්ටු දෙකට බදු දෙන්නෙ නැතිව ඒ ඉඩමට රුපියල් කෝටි 1800ක් ගත්ත එකේ වරද කුමක්ද ?
4. පොර්ට් සිටි කතාවත් මේ වගේමයි. පොර්ට් සිටිය හදන්නේ රටේ තියෙන ඉඩමක නොවෙයි මුහුද ගොඩකරලයි. ඒ මුහුද ගොඩකරන්න යන වියදමට හිලව් වෙන්න තමයි ගොඩ කරන ඉඩම් වලින් යම් ප්‍රමානයක් චීනයට දෙන්නට සාකච්ඡා වී තිබුනේ. මේ කොන්දේසි වෙනස් කරන්න ගිහින් මොකද්ද උනේ. රටෙ ජනතාව රැවටීමට ගිවිසුම අවුරුදු 99 කරල චීනයට රුපියල් බිලියන් 26ක් එහෙමත් නැත්නම් කෝටි 2600ක වන්දියක් ගෙවන්න සිදුවුනා වැඩ නවත්තලා කරපු පාඩුවට.
පොර්ට් සිටිය තුල චීන සමාගම විසින් විවිද ව්‍යාපාර වලට ඉඩම් විකුනන විට ඒව විකුනන්නේ සින්නකර ඔප්පු වලට . ඉතින් මොකද්ද ඇති වැඩේ කෝටි 2600 නාස්තිකරල ගිවිසුම 99 අවුරුදු බද්දකට වෙනස් කලා කියල. කවදාවත් ඒ චීන සමාගම විසින් විකුණන ඉඩමක් රජයට ආපසු ගන්න පුලුවන්ද ?
– චාමින්ද කරුණාරත්න
අනිත් අයටත් කියවීමට Share කරන්න.
Monday, December 18, 2017
බැසිල් හිරු සලකුණේදී සියලුම ප්‍රශ්න වලට පිළිතුරු දෙයි. (VIDEO)
බැසිල් රාජපක්ෂ මහතාට එරෙහිව ආණ්ඩුවෙන් සිදුකරන ලද විවේචන ඇතුළුව ශ්‍රී ලංකා පොදුජන පෙරමුණට අදාල සියලුම ප්‍රශ්න වලට එතුමා ඊයේ එනම් 18/12/2017 දින හිරු සලකුණේදී පිළිතුරු දීම් සිදුකළේ ය. එම වීඩියෝව පහතින්.
අනිත් අයටත් කියවීමට Share කරන්න.
Thursday, December 7, 2017
ශ්‍රීලනිප සමග ඒකාබද්ධ පොදුජන පෙරමුණ එක්ව තරග කිරීම...! [Mahinda.Info EXCLUSIVE]
ඉදිරි පළාත් පාලන මතිවරණයෙන් ජය ගැනීමටනම් මෛත්‍රීපාල සිරිසේන නායකත්වය දරන ශ්‍රී ලංකා නිදහස් පක්ෂය සමග එකතු වී ඒකාබද්ධ පොදුජන පෙරමුණ තරග කළ යුතු බවට සුළු පිරිසක් පවසයි. එහෙත් අති බහුතරයගේ මතය වන්නේ ඒකාබද්ධ පොදුජන පෙරමුණ වෙන්ව තරග කළ යුතු බවය. සුළුතර මතය වූ පමණින් එය ප්‍රතික්ෂේප නොකර ඔවුන්ගේ තර්කය mahinda.info වෙතින් විශ්ලේෂණාත්මකව විමසා බලමු.
ශ්‍රීලනිප සමග ඒකාබද්ධ පොදුජන පෙරමුණ එකතු විය යුතුයැයි කියන අයට ඒ සඳහා වෙන වෙනම ඤායපත්‍රයන් තිබිය හැකිය. එහෙත් ඔවුන් මතු කරන එකම තර්කය වන්නේ පළාත් පාලන මැතිවරණය ජය ගැනීමටනම් එකතු විය යුතු බවයි. ශ්‍රීලනිපය සමග එකතු වීමෙන් ඇති වාසි ඔවුන් මෙසේ පෙළ ගස්වයි.
1. මෛත්‍රීපාල සිරිසේන ජනාධිපතිවරයාට සහ ඔහුට සහය දක්වන පිරිසට ඉතා සුළු ජන පදනමක් ඇති අතර ඔවුන්ද එකතු කර ගැනීම ජයග්‍රහණයට හේතුවකි.
2. මෛත්‍රීපාලගේ ශ්‍රීලනිප ය එකතු කර නොගතහොත් ඔවුන් එක්සත් ජාතික පක්ෂය සමග එකතු වෙනු ඇත.
3. විධායක බලය ඇත්තේ විධායක ජනාධිපති මෛත්‍රීපාල සිරිසේනට වන අතර එය මැතිවරණය ජයග්‍රහණයට අවශ්‍ය වෙයි.
දැන් එම තර්ක 3 හි ඇත්ත නැත්ත බලමු.
1. මෛත්‍රීපාල සිරිසේන හැරුණ විට අන් කිසිවෙකුට ඡන්දය නොදෙමි යන මතයේ සිටින ඉතා සුළු පිරිසක් සිටිය හැකිය. නමුත් මෛත්‍රීපාල සමග එකතු වුවහොත් නැවත කාටවත් ඡන්දය නොදෙමි කියන මහින්ද පාක්ෂිකයන් ප්‍රමාණය ඊට වඩා අතිශයින්ම වැඩි ය. මේ දේ ඔබට විශ්වාස නැතිනම් ඔබ එදිනෙදා දන්නා මහින්ද පාක්ෂිකයන්ගෙන් ඒ බව විමසා බලන්න. එතකොට මෛත්‍රීපාල සිරිසේන සමග එකතු වීම යනු ලැබෙන ඡන්ද ප්‍රමාණය අඩු කර ගැනීමකි.
2. මෛත්‍රීපාලගේ ශ්‍රීලනිප ය එකතු කර නොගතහොත් ඔවුන් එක්සත් ජාතික පක්ෂය සමග එකතු වෙනු ඇත යන තර්ජනය අනුව පෙනී යන්නේ ඔවුන්ට ප්‍රතිපත්තියක් නොමැති බවයි. ඔවුන් හරියට කුලී හමුදාවක් වැනි ය. උඹලට අපිව ඕනැ නැතිනම් අපි උඹලගේ විරුද්ධවාදීන්ගේ පැත්ත ගන්නවා කියන උදවියව විශ්වාස කිරීමට නොහැකි ය. වරාය ගුවනොත්‍ටුපොළ තරංගසංඛ්‍යාත ඇතුළු ජාතික සම්පත් විකුණන, කෝටි ප්‍රකෝටි ගණන් බැඳුම්කර වංචා කළ, සංවර්ධනය සහමුලින්ම නවතා දැමූ, රණවිරුවන්ව සිරගත කරන, කොටින්ව නිදහස් කරන, උහුලන්නට බැරි ජීවන වියදමක් ඇති කළ උදවිය සමග එක් වෙන බව කියන අයව විශ්වාස කිරීම තරම් මෝඩ කමක් තවත් නැත. ඔවුන් යම් හෙයකින් ඒකාබද්ධ පොදු ජන පෙරමුණෙන් ජයග්‍රහණය කළද එක්සත් ජාතික පක්ෂය සමග එකතු වෙනු ඇත.
3. විධායක බලය ඇත්තේ විධායක ජනාධිපති මෛත්‍රීපාල සිරිසේනට වන අතර එය මැතිවරණය ජයග්‍රහණයට අවශ්‍ය වෙයි කියන කථාව අනුව බැලුවහොත් කිසිදා විපක්ෂයකට බලයට ඒමට නොහැකි වේවි. අනික අතට මෛත්‍රීපාලගේ විධායක බලය යොදා ගනිමින් ඡන්ද දිනන්න ශ්‍රීලනිපය හදනවානම් එය ඡන්ද වංචාවකි. මහින්ද රාජපක්ෂ මැතිතුමාට සහය දක්වන අප කිසි සේත්ම ඡන්ද වංචා වලට එකඟ නොවෙමු.
මෛත්‍රීපාල සිරිසේන නායකත්වය දරන ශ්‍රීලනිප සමග ඒකාබද්ධ පොදු ජන පෙරමුණ එකතු වෙන්න කියන අය නොකියන තවත් කරුණු ලයිස්තුවක් ද mahinda.info වෙතින් ඔබට සැකවින් මෙසේ දක්වන්නෙමු. ඒවා පහතින්.
[1]. 2015 ජනවාරි 8 වැනිදා මහින්ද රාජපක්ෂ ජනාධිපති තුමා නායකත්වය දැරූ රජය, එජාපය විසින් පෙරලූයේ මෛත්‍රීපාල සිරිසේන මූලික කරගනිමිනි. අපට අවශ්‍ය වන්නේ නැවතත් මහා සංවර්ධනයක් සිදුවෙන - රටම එකම වැඩ බිමක් බවට පත් වෙන - අධිවේගී මාර්ග ගුවන් පාලම් ඉදි වෙන - නීතිය නමා නිදහස් කළ කොටින්ව බො‍ටුවෙන් අල්වා සිරගත කර, හිරේ සිටින රණවිරුවන්ව නිදහස් කරන - බැඳුම්කර හොරුන් හොරා කෑ මුදල් නැවතත් ජනසතු කරන - ජීවන වියදම අඩු වෙන - මහින්ද යුගයකට යාමටනම් අප විසින් මෛත්‍රීපාල සිරිසේනව තීරණාත්මකව පරාජය කළ යුතුය. ඔහු කුමන වෙස් මුහුණු බැන්දත් ඔහුව පරාජය කිරීම අත්‍යවශ්‍ය කරුණකි. එය යමපාලන ගෙදර යැවීමේ පළමු වෙඩි මුරයයි. එසේම මෛත්‍රීපාල සිරිසේන නායකත්වය දරණ පක්ෂයක පරාජය මගින් ජාත්‍යන්තරයත් රටේ සැබෑ ජනමතය කුමක් දැයි හඳුනා ගනු ඇත. ජාත්‍යන්තරය මත යැපෙන එක්සත් ජාතික පක්ෂයට ලැබන ඩොලර් කුට්ටි වලට තිත තැබෙනු ඇත.
[2]. මෛත්‍රීපාල සිරිසේනගේ සහයෝගයක් නොමැතිව ඒකාබද්ධ විපක්ෂය ජයග්‍රහණය කළ විට පාර්ලිමේන්තුවේ මෛත්‍රීපාල සිරිසේන යටතේ සිටින මන්ත්‍රීවරුන් රොත්තක් ඉන් ගැලවී ඒකාබද්ධ විපක්ෂය සමග එකතු වෙනු ඇත. මෛත්‍රීපාලගේ සහයෝගයෙන් ඒකාබද්ධ විපක්ෂය ජයග්‍රහණය කළ විට මෙය සිදු නොවේ.
[3]. තනියම තරග කළද නැතහොත් එක්සත් ජාතික පක්ෂය සමග එක් වී තරග කළද මෛත්‍රීපාල සිරිසේනගේ පිලට ඡන්ද නොලැබෙනු ඇත. ජනතා විමුක්ති පෙරමුණටත් වඩා අඩු ඡන්ද සංඛ්‍යාවක් ශ්‍රීලනිපය ගත් විට මෛත්‍රීපාල සිරිසේනට රෙද්දක් ඇඳන් ශ්‍රීලනිප නායකත්වය හෙබවීමට නොහැකි වනු අත. එවිට ඒකමතිකිකව ශ්‍රීලනිප නායකත්වය මහින්ද රාජපක්ෂ මැතිතුමාට නැවතත් ලැබෙනු ඇත. මෙය 2020 ජයග්‍රහණයේ සංධිස්ඨානයකි. ශ්‍රීලනිප නායකත්වය මහින්ද රාජපක්ෂ මැතිතුමාට ලැබුණත් 2020 ඡන්දය ඉල්ලන්නේ අත ලකුණෙන් නොවේ. (යම් හෙයකින් අති විශාල ඡන්ද ප්‍රමාණයකින් පළාත් පාළන මැතිවරණය පොහොට්‍ටුව ජය ගතහොත්, ජනමතයක් නොමැතිව රටක් පාලනය කිරීමට නොහැකි බැවින් 2018 අප්‍රියෙල් වෙද්දී ආණ්ඩුව විසිරුවීමට සිදුවෙනු ඇත.)
[4]. එය වන්නේ මෙසේ ය. ඒකාබද්ධ පොදු ජන පෙරමුණ වෙනම ඉදිරිපත් වූ විට මෛත්‍රීපාල පාර්ශවය සතුව පවතින්නෙ විකල්ප 3ක් පමණි. තනිව ඉල්ලීම, එජාපය හා ඉල්ලීම හා ඉල්ලා නොසිටීම ය. මෙහි එජාපය හා ඉල්ලුවොත් හෝ ඉල්ලා නොසිටිය හොත් සෘජුවම සමස්ත ආණ්ඩු විරෝධී බලවේගයම , රජයට විරුද්ධව සිටගනු ලැබේ. මෛත්‍රීපාල තනිව ඉදිරිපත් වුව හොත්, අවම වශයෙන් 3% වත් ඡන්ද ප්‍රතිශතයක් නොලබනු ඇත. එය ඔහු සතු වන තීරණාත්මක පරාජයකි. එමගින්ම ඔහුගේ නිදහස් පක්ෂය ගැලවී යනු ඇත. එහිදී ද රජයට 2/3 බලය අහිමිවනු ඇත. හුළඟ යන අතට ගසා යන එජාප මන්ත්‍රීවරුන්ද එදා 17 කණ්ඩායම ගැලවුණා මෙන් එජාපෙන් ඉවත් වෙනු ඇත. එදා වේල ණය මත යැපෙන එජාපයට රටේ බහුතර ජනමතය නැති විට ණය දීමට කවුරුත් අකමැති වීමෙන් මුදල් නැතිව කොහොමත් ආණ්ඩු කිරීමට නොහැකි වෙනු ඇත.
[5]. මෛත්‍රීපාලගේ කණ්ඩායමට කවුරුන් හෝ සහය දේනම් ඔහු සමස්තයක් වශයෙන් වත්මන් යමපාලන ආණ්ඩුවට සහය දෙන අයෙකි. එජපය හා මෛත්‍රීපාල කණ්ඩායම බෙදී තරග කිරීමෙන් , රජයේ බලවේගය පරිපූණ ලෙස දෙකට බෙදී යයි. එයින් ආණ්ඩුවේ ඡන්ද ප්‍රතිශතයට වන හානිය, ඒකාබද්ධ පොදු ජන පෙරමුණේ ප්‍රතිශතයට වන හානියට වඩා ඉතා අධික ය.
[6]. ආණ්ඩු විරෝධී මහින්ද පාර්ශවය, යළි මෛත්‍රීපාල හා එක්වීමේ දී , එනයින්ම යමපාලන ආණ්ඩුවේ වැරදිවලින් කොටසකට කරගැසීමට ද සිදු වේ. එතැන් පටන් සාර්ථකව ආණ්ඩුව විවේචනය කිරීමක් කළ නොහැක. සහෝදර පක්ෂයක් බවට පත් වෙන මෛත්‍රීපාල සිරිසේනව විවේචනය කිරීමට නොහැකිව යයි. එනයින් ම ඒකාබද්ධ පොදු ජන පෙරමුණේ ඡන්ද , බෙදී වෙන්වී ඉල්ලන අවස්ථාවකටත් වඩා පහළ යනු ඇත.
[7]. මෛත්‍රීපාල සමග එක්ව තරග කිරීමේ ප්‍රතිඵලය පසුගිය 2017 මහ මැතිවරණයේදී අපි අත් දු‍ටුවෙමු. මෛත්‍රීපාලම පැවසූයේ ඔහු එජාපය ජයග්‍රහණයට උපකාර කළ බව යි. මහින්ද රාජපක්ෂ මැතිතුමාට අගමැති කම නොදෙන බවට අන්තිම මොහොතේ ලිපියක් ලිවීම, පක්ෂ ලේකම්වරුන්ව ඉවත් කිරීම, කිසිදු ජන රැලියකට සහභාගී නොවීම, ජාතික ලයිතුව කොල්ල කා පරාජය වූ අයව නැවතත් පත් කිරීම ආදිය මගින් ඔහු එය ඔප්පු කළේ ය. එසේ වෙද්දී නැවතත් ඔහු සමග එකතු වී රෑ වැ‍ටුණ වලේ දවලුත් වැටීමට කටයුතු නොකළ යුතු ය.
[8]. යම් හෙයකින් මෛත්‍රීපාලගේ ශ්‍රීලනිපය සමග එක් වී ඒකාබද්ධ පොදු ජන පෙරමුණ, එජාපය පරාජය කර දිනුවා යැයි සිතමු. එතැන් පටන් මෛත්‍රීපාල, එස්බී දිසානායක, අප්පච්චි මළෝ, චන්ද්‍රිකා කුමාරතුංග, ඩිලාන් පෙරේරා ආදීන්ගේ සටන් පාඨය වන්නේ "අපියි දිනුවේ, ඒකාබද්ධය අපේ ඇඟේ එල්ලිලා ගොඩ ගියා, විධායක බලය තියෙන්නේ අපිට, කැමතිනම් එජාපය සමග එක්ව ආණ්ඩු පිහි‍ටුවීමට එකඟ වෙනු, බැරි අය විපක්ෂයට පල" යන්න ය. එය මෛත්‍රීපාල ගේ ම ජයග්‍රහණයකි. එය වක්‍රව ආණ්ඩුවේම ජයග්‍රහණයකි. එසේනම් එය රනිල්ගේත් ජයග්‍රහණයකි. එයින් අවම වශයෙන් සංකේතාත්මක ව වත් ජනවාරි 8 ජනමතය පරාද වන්නේ නැත.
[9]. ශ්‍රීලනිපයටත් ජයග්‍රහණයේ කොටසක් දී පළාත් පාළන මැතිවරණය ජය ගත් පසු මෛත්‍රීපාල රනිල් හවුල සුපුරුදු එට්කා , අතුරුදන්වීම් පනත්, නව ව්‍යවස්ථා සම්මත කිරීම දක්වා ගමන් කළොත් නවත්වන ක්‍රමයක් නැත. ඔහු ජනමතය යළි දිනා අවසන් ය. මහින්ද පාක්ෂිකයන් එවිට කළකිරී ව්‍යවස්ථාව ගැන ජනමත විචාරණයකටවත් ඡන්දය දීමෙන් වළකිනු ඇත. එනයින් එක්ව ඉල්ලීමෙන් වන්නේ , මහින්ද පාර්ශවය දිනුවත් ඒ ජන මතය ආණ්ඩුවටම පාවා දී , ව්‍යවස්ථා සඳහා ජනමතවිමසුමේ ජයග්‍රහණය ආණ්ඩුව ට ම පාවා දීම ය.
එකතු වෙන්න කියමින් තවමත් තර්ක කරන අයට මෙම ලිපිය පෙන්වමු.
අනිත් අයටත් කියවීමට Share කරන්න.
Saturday, November 25, 2017
නාමල් විසින් ඇලෝසියස්ට කතා කළා කියපු UNP බොරුව මාට්‍ටු වෙයි. මෙන්න ඇත්ත.
පාර්ලිමේන්තු මන්ත්‍රී නාමල් රාජපක්ෂ මහතා අවස්ථා ඇතුළුව මහින්ද රාජපක්ෂ මැතිතුමා සහ අනෙකුත් ඒකාබද්ධ විපක්ෂයේ මන්ත්‍රීවරුන් පිරිසක් අර්ජුන් ඇලෝසියස්ට කතා කළ බව කියමින් පුවතක් මඩ වෙබ් අඩවියක පසුගිය දිනවල පළ විය. හිරු ගොසිප් වෙබ් අඩවියේ ලෝගෝව අනුකරණය කරමින් එජාපය විසින් සිදුකරන හරි ගොසිප් නැමැති මඩ වෙබ් අඩවියේ එය පළ වුණි.
එය මඩ ප්‍රචාරයක් පමණක් බව සනාථ වීමට කරුණු පහත දැක්වේ.
[1]. එජාපයෙන් කරන ගොසිප් මඩ වෙබ් සයිට් වල මිස කිසිදු ලියාපදිංචි ජනමාධ්‍යයක එවන් පුවතක් පළ වූයේ නැත. අනෙකුත් ලියාපදිංචි ජනමාධ්‍ය වල පළ වූයේ එක්සත් ජාතික පක්ෂ මන්ත්‍රීවරු 4 දෙනෙකු ප්‍රශ්ණගත බැදුම්කර සිදුවීමට සම්බන්ධ අර්ජුන් ඇලෝසියස් සමඟ දුරකථනය හරහා සාකච්ජා කර ඇති බවය. අදාල දුරකථන වාර්තාව මෙතනින්. ලියාපදිංචි පුවත්පතක් වන "ලක්බිම" පුවත්පත් වෙබ් අඩවියෙන් මූලාශ්‍රය මෙතනින්. කවරෙක් හෝ ඒකාබද්ධ විපක්ෂයේ මන්ත්‍රීවරුන් විසින් අර්ජුන් ඇලෝසියස් ට කතා කළ බව කියන්නේනම් කිසිදු හෝ පිළිගත් ලියාපදිංචි ජනමාධ්‍යයක එවන් පුවතක් නැත්තේ ඇයි දැයි ඔබ ප්‍රශ්න කළ යුතු ය.
[2]. මේ වන විට පවතින්නේ එජාප ආණ්ඩුවකි. එසේම බැඳුම්කර කොමිසම පත් කරන ලද්දේත් එජාපයේ ජනාධිපති අපේක්ෂකයා වූ විධායක ජනාධිපති මෛත්‍රීපාල සිරිසේන මහතා විසිනි. ආණ්ඩුව පත් වී දැනට අවුරුදු 3 කට ආසන්න වන අතර අගවිනිසුරු, නීතිපති, පොලිස්පති, පොලිස් කොමිසමේ සභාපති ආදීන්ගේ සිට පොලිසියේ විමර්ශණ නිලධාරීන් දක්වා සියලුම නිලයන් එජාපය විසින් අලුතෙන් පත් කර ඇත. එසේ වී තිබියදී එජාපයෙන් පත් වූ විධායක ජනාධිපති මෛත්‍රීපාල සිරිසේන මහතා හෝ එජාප පොලිස් ඇමති සාගල රත්නායක යටතේ ඇති පොලිසියෙන් ඒකාබද්ධ විපක්ෂයේ මන්ත්‍රීවරුන්ට අදාල දුරකථන සංවාද වසං කරයි කීම කිසි සේත්ම පිළිගත නොහැකි තර්කය කි.
[3]. පසුගිය කාලයේ නොයෙකුත් බොරු චෝදනා එල්ල කරමින් නාමල් රාජපක්ෂ මන්ත්‍රීවරයා ඇතුළු ඒකාබද්ධ විපක්ෂයේ මන්ත්‍රීවරුන්ව සිරගත කළ අතර එම එකදු චෝදනාවක්වත් ඔප්පු කරගැනීමට නොහැකිව ඔවුන් නිදහස් විය. ඒ අනුව යම් හෙයකින් ඒකාබද්ධ විපක්ෂයේ මන්ත්‍රීවරුන් ඇලෝසියස් ට දුරකථන ඇමතුම් දී අති බවට සාක්ෂි තිබේනම් ඒවා සඟවනවා වෙනුවට රජයේ ජනමාධ්‍ය හරහා එය පළකර මේ වන විට ඔවුන්ව අත් අඩංගුවටත් පත්ව තිබෙනු ඇත.
[5]. අර්ජුන් ඇලෝසියස් විසින් කෝප් කමි‍ටු සාමාජිකයන්ට දුරකථන ඇමතුම් අරගෙන තිබුණේ ඔහුව බැඳුම්කර වංචාවෙන් නිදහස් කරගැනීමට බව ආණ්ඩුවේ ඇමති සහ කෝප් කමි‍ටු සාමාජික දයාසිරි ජයසේකර මහතා පාර්ලිමේන්තුවේදී කළ "මට ඔහුට උදව් කරන්න බෑ කිව්වා" යන ප්‍රකාශයෙන් පසක් වෙයි. ඒ අනුව අර්ජුන් ඇලෝසියස් කතා කරයිනම් කතා කළ යුත්තේ එක්කෝ කෝප් කමි‍ටුවේ සාමාජිකයන් ටය. නැතහොත් රජයට බලපෑම් කළ හැකි දේශපාලඥයින්ට හෝ නිලධාරීන් ට ය. නැතිව ආණ්ඩුව සමග නඩු කියන ආණ්ඩුව විසින් විටින් විට බොරු චෝදනා නගා සිරගත කරන රාජපක්ෂවරුන් ඇතුළු ඒකාබද්ධ විපක්ෂයට නොවේ. එමගින්ම එජාප මඩ කරියන්ට තම මඩ ගැසීමවත් සංගත ආකාරයෙන් කරගත නොහැකි අනුකම්පාසහගත ආකාරය පැහැදිළි වෙයි.
එජාප මඩ වෙබ් අඩවියේ පළවූ අසත්‍ය පුවත පළ කිරීමට සම්බන්ධ බවට සැක කෙරෙන එජාප ඇමතිවරුන් දෙදෙනෙක් විසින් එය කිසිදු පිළිගත හැකි සාක්ෂියකින් තොරව ප්‍රසිද්ධියේ ප්‍රකාශ කර තිබුණි.
රනිල් වික්‍රමසිංහ අග්‍රාමාත්‍යවරයා විසින් මහ බැංකු අධිපති ලෙස ඔහුගේ සමීපතම හිතවතෙක් වන අර්ජුන් මහේන්ද්‍රන් ව පත් කළේ ඔවුන් අතර වඩාත් හොඳ විශ්වාසයක් ඇති නිසාවෙනි. යම් හෙයකින් රාජිත සේනාරත්න ඇමතිවරයා පවසන අයුරින් ඔහු රාජපක්ෂවරුන්ට සමබ්න්ධ අයෙක් නම් ඔහුව මහ බැංකු අධිපති ලෙස පත් කරන්නේ නැත. එමගින්ම රාජිත සේනාරත්න ඇමතිවරයාගේ පට්ට පල් බොරුවේ අසංගත බව ඕනැම අයෙකුට වැටහෙයි.
එසේම සුජීව සේනසිංහ මන්ත්‍රීවරයා පවසන කරුණටත් අදාල කිසිදු පොලිස් වාර්තාවක් හෝ පිළිගත හැකි ජනමාධ්‍යයක පළවූ වාර්තාවක් නොමැත. එය පළමු වරට පවසන්නේ ඔහු ය. අදාල මඩ පුවත නිර්මාණය කිරීමට සුජීව සේනසිංහ සහ රාජිත සේනාරත්න සම්බන්ධ බවට මෙමගින් පැහැදිළි වෙයි.
නාමල් රාජපක්ෂ මන්ත්‍රීවරයා විසින් මෙලෙස මඩ ගසන අයට එරෙහිව අපහාස නඩු පැවරෙනු ඇත.
අනිත් අයටත් කියවීමට Share කරන්න.
Saturday, November 4, 2017
යහපාලනයෙන් ලක්ෂ 4 ක් රැකියා දීම බොරුවක්. ලක්ෂ 4.76 කට රැකියා අහිමි වෙලා. මෙන්න මහ බැංකු වාර්තාවෙන් මූලාශ්‍රය.
[1]. මේ දින වල එක්සත් ජාතික පක්ෂය මගින් මුද්‍රිත, විද්‍යුත් සහ අන්තර්ජාල මාධ්‍ය මගින් තොර තෝංචියක් නැතිව පවසන්නේ නව රැකියා ලක්ෂ 4 ක් බිහි කළ බවයි. අග්‍රාමාත්‍ය රනිල් වික්‍රමසිංහ මහතාගේ නිල ෆේස්බුක් පි‍ටුවේම මෙසේ සටහන් කර තිබෙනවා. [මූලාශ්‍රය]
[2]. ඉහත කතාවේ ඇත්ත නැත්ත එක්සත් ජාතික පාක්ෂිකයෙකුට වුණත් පිළිගත හැකි ආකාරයකට දැක ගන්න පුලුවන් මූලාශ්‍රයක් තමයි ශ්‍රී ලංකා මහ බැංකු වාර්තාව. මොකද එය ආණ්ඩුවේම ප්‍රකාශනයක් නිසා.
අපි මුලින්ම 2014 වර්ෂයට අදාල ශ්‍රී ලංකා මහ බංකු වාර්තාව බලමු.
ඕනැම වසරක මහ බැංකු වාර්තාව පිළියෙළ කර නිකුත් වන්නේ ඊළඟ වසරේ අප්‍රියෙල් මාසයේ. ඒ අනුව 2014 වසරේ මහ බැංකු වාර්තාව නිකුත් වන්නේ එක්සත් ජාතික පක්ෂයෙන් පත් කළ මහ බැංකු අධිපති අර්ජුන් මහේන්ද්‍රන් විසින් ඔහුගේ අත්සන සහිතවයි. 2014 මහ බැංකු වාර්තාවේ 3 වැනි පි‍ටුවේ තිබෙනවා අර්ජුන් මහේන්ද්‍රන්ගේ අත්සන සහිතව එය පිළිගන්වන ලිපිය. [මූලාශ්‍රය]
(i). මෙහි 94 පි‍ටුවේ (PDF 12 පි‍ටුව) ඇති වගුවේ මෙසේ සඳහන් වෙනවා. 2014 වර්ෂයේ (Annual) රැකියා නියුක්තිය 8,424,000 [මූලාශ්‍රය]
(ii). එක්සත් ජාතික පක්ෂ ආණ්ඩුව ඇවිත් වසර 2 කට පසුව එනම් 2016 දී මහ බංකු වාර්තාව දෙස බලමු. මෙහි 136 පි‍ටුවේ (PDF 12 පි‍ටුව) ඇති වගුවේ මෙසේ සඳහන් වෙනවා. 2014 වර්ෂයේ රැකියා නියුක්තිය 7,948,000 [මූලාශ්‍රය]
[3]. ඒ අනුව එක්සත් ජාතික පක්ෂයෙන් පත් කරපු මහ බංකු අධිපතිවරයා විසින් නිකුත් කළ මහ බංකු වාර්තා දෙකෙන්ම පේනවා වත්මන් පාලනයේ මුල් වසර දෙක තුළ රැකියා අවස්ථා 476,000 ක් ජනතාවට අහිමි වී ඇති බව.
ආණ්ඩුවෙන් ලක්ෂ 4 ක් රැකියා බිහි කළානම්, පෞද්ගලික අංශයෙනුත් ඇති වන රැකියා අවස්ථා අනුව මේ විදිහට ලක්ෂ 4.76 ක් රැකියා නියුක්තිය පහත යන්නේ නෑ. මහින්ද රාජපක්ෂ ජනාධිපති තුමාගේ කාලයේ රැකියාවක් කරමින් තම දරු පවුල් රැක ගත් අයටත් තම රැකියා අහිමි වීමයි සිදුවෙලා තියෙන්නේ.
ජනතා මුදල් කාබාසිනිය කරමින් පුවත්පත් රූපවාහිනී වල දැන්වීම් දමා මේ විදිහට අතේ පැලවෙන බොරු කියමින් එක්සත් ජාතික පක්ෂයෙන් ඔබව රැවටීම යහපාලනය ද?
අනිත් අයටත් කියවීමට Share කරන්න.
Subscribe to:
Posts (Atom)